სოფლის მეურნეობის სამინისტრო
ა(ა)იპ აგროსერვის ცენტრის სანერგე და საჩითილე მეურნეობებში თოვლის საფარის გაწმენდითი სამუშაოები მიმდინარეობს
აჭარის სოფლის მეურნეობის სამინისტროს ა(ა)იპ აგროსერვის ცენტრის სანერგე და საჩითილე მეურნეობებში თოვლის საფარის გაწმენდითი სამუშაოები ინტენსიურ რეჟიმში მიმდინარეობს.
უამინდობასთან დაკავშირებით, აჭარის სოფლის მეურნეობის მინისტრი, ზაზა შავაძე მოადგილეებთან და საქვეუწყებო დაწესებულებების ხელმძღვანელებთან ერთად, ა(ა)იპ აგროსერვის ცენტრის სანერგე მეურნეობებში მიმდინარე სამუშაოებს ადგილზე გაეცნო. სანერგე და საჩითილე ტერიტორიებზე არსებული ვითარების შესახებ აგროსერვის ცენტრის დირექტორმა მინისტრს დეტალური ინფორმაცია მიაწოდა.
სამინისტროში შექმნილი სპეციალური ჯგუფები 24 საათიან რეჟიმში, სანერგე და საჩითილე მეურნეობებებს, ასევე ციტრუსის ნარგავებს თოვლის საფარისაგან ათავისუფლებენ. შეხვედრაზე ასევე დაიგეგმა, შემდგომ დღეებში მოსალოდნელი თოვლის ნალექისაგან დროული ღონისძიებების გატარება..