სამინისტროს 2025 წლის პროგრამების გაცნობა ხულოს შუახევის და ქედის მუნიციპალიტეტებში

ჭარის სოფლის მეურნეობის მინისტრი ზაზა შავაძე, ხულოს, შუახევისა და ქედის მუნიციპალიტეტის მერებთან ერთად, მუნიციპალიტეტის ადმინისტრაციული ერთეულების წარმომადგენლებს, მერიისა და საკრებულოს თანამშრომლებს შეხვდა და სამინისტროს მიმდინარე წელს დაგეგმილი პროგრამები გააცნო.

სამინისტრო 2025 წელს აგროსექტორის მდგრად განვითარებას, ადგილობრივი წაროების პროდუქციის პოპულარიზაციას, აგრალური ექსტენციის მიწოდებას, სოფლისა და სოფლის მეურნეობის განვითარების ხელშეწყობას და სხვა პროგრამებს განახორციელებს, რომელიც მიზნად ისახავს სასოფლო-სამეურნეო გაერთიანებების, საოჯახო მეურნეობებისა და მეწარმე სუბიექტების განვითარების ხელშეწყობას, პროდუქციის მწარმოებელთა ეფექტიანობისა და მდგრადობის ამაღლებას.

აჭარის სოფლის მეურნეობის სამინისტროს 2025 წლის ბიუჯეტი გასულ წელთან შედარებით 4 805 972 ლარით გაიზარდა და 36 820 550 ლარს შეადგენს, რომელიც მოიცავს 17 პროგრამას და 12 ქვეპროგრამას.

შეხვედრებს მინისტრის პირველი მოადგილე, საქართველოს პარლამენტის და აჭარის უმაღლესი საბჭოს დეპუტატები, მუნიციპალიტეტების ხელმძღვანელი პირები და პროგრამების განხორციელების დეპარტამენტის თანამშრომლები ესწრებოდნენ.