სოფლის მეურნეობის სამეცნიერო კვლევითი ცენტრი, აჭარის სოფლის მეურნეობის სამინისტროს პროექტებში,

აჭარის სოფლის მეურნეობის სამინისტრო რეგიონის აგრარულ სექტორში არსებული გამოწვევების გათვალისწინებით, ახორციელებს ქვეპროგრამას „აგრარული ექსტენციის მიწოდება“, რომლის ფარგლებში რეგიონის ფერმერები და აგრომეწარმეები საველე პირობებში ეცნობიან აგრარული დარგის უახლეს ტექნოლოგიებსა და თანამედროვე მიდგომებს.

 

სსიპ სოფლის მეურნეობის სამეცნიერო-კვლევით ცენტრში გამართულ სამუშაო შეხვედრას, ცენტრის დირექტორის მოადგილე ნოდარ ხატიაშვილი, აჭარის სოფლის მეურნეობის სამინისტროს, აგრარული განვითარების დეპარტამენტის უფროსი ლევან ბოლქვაძე, სოფლის მეურნეობის დარგობრივი განვითარების განყოფილების უფროსი ჯიმშერ დიასამიძე და სხვა ოფიციალური პირები ესწრებოდნენ.

 

შეხვედრის მიზანს წარმოადგენდა. სამეცნიერო-კვლევითი ცენტრის მხრიდან აჭარის სოფლის მეურნეობის სამინისტროსთვის მეცნიერული და პრაქტიკული მხარდაჭერის გაწევა, შესაბამისი რეკომენდაციების შემუშავება და თანამშრომლობის გაღრმავება.