აჭარის ავტონომიური რესპუბლიკის
სოფლის მეურნეობის სამინისტრო
სახალხო დღესასწაული „სელიმობა“ - 2026 გაიმართა
ხულოში, საქართველოს ერთიანობისთვის თავგანწირული მამულიშვილის, სელიმ ხიმშიაშვილის უკვდავსაყოფად სახალხო დღესასწაული „სელიმობა“ - 2026 გაიმართა, რომელსაც აჭარის სოფლის მეურნეობის მინისტრი დენის სალუქვაძე დაესწრო.
ღონისძიება სხალთის შერიფ ხიმშიაშვილის სახლ-მუზეუმიდან დაიწყო და სოფელ ბაკოში სერიყანაში გაგრძელდა, სადაც ღონისძიების მონაწილეებმა გვირგვინითა და ყვავილებით შეამკეს სელიმ ხიმშიაშვილის თავკვეთის ადგილი.
ზემოთ აღნიშნულ ღონისძიებას, მუნიციპალიტეტების ხელმძღვანელი პირები, აჭარის მთავრობის, საკანონმდებლო და აღმასრულებელი ხელისუფლების წარმომადგენლები, სასულიერო პირები და საზოგადოების წარმომადგენლები ესწრებოდნენ.
„სელიმობა“ ბაკიბაკოელთა ინიციატივით, 2005 წლის 19 დეკემბერს, სელიმ ხიმშიაშვილის დაბადებიდან 250 წლისთავზე დაფუძნდა. პირველი დღესასწაული 2006 წლის 3 ივნისს ჩატარდა.
სელიმობის ღონისძიება სოფელ ბაკოში საზეიმო კონცერტით დასრულდა.