უმაღლეს საბჭოში განიხილეს სამინისტროების საქმიანობისა და პრიორიტეტების დოკუმენტი

ინფორმაცია აჭარის ფინანსთა და ეკონომიკის მინისტრმა ედნარ ნატარიძემ წარადგინა, ხოლო თანამომხსენებლები იყვნენ სოფლის მეურნეობის მინისტრი დენის სალუქვაძე და ჯანმრთელობისა და სოციალური დაცვის მინისტრი ნინო ნიჟარაძე.

 

აგრარული და გარემოსდაცვითი მიმართულებით პრიორიტეტებს წარმოადგენს ინოვაციური ტექნოლოგიების დანერგვა, ტრადიციული კულტურებისა და ადგილობრივი წარმოების ხელშეწყობა, ფერმერთა განათლებისა და კვალიფიკაციის ამაღლება, ასევე აგროტურიზმის განვითარება. გარემოს დაცვის სფეროში მნიშვნელოვან მიმართულებებად კვლავ რჩება ბუნებრივი რესურსების მდგრადი გამოყენება, ეკოსისტემების დაცვა, ნარჩენების მართვის თანამედროვე სისტემების დანერგვა, ბიომრავალფეროვნების შენარჩუნება, დაცული ტერიტორიების გაფართოება და მოსახლეობაში გარემოსდაცვითი ცნობიერების ამაღლება.

 

მოხსენებებისა და კითხვა-პასუხის დასრულების შემდეგ, კომიტეტის წევრებმა მხარი დაუჭირეს აღნიშნულ დოკუმენტთან დაკავშირებით უმაღლესი საბჭოს რეგლამენტით გათვალისწინებული პროცედურების გაგრძელებას.