ფაროსანას საწინააღმდეგო წამლობითი ღონისძიებები დაიწყო

„მოიზიდე და გაანადგურე“ სადგურების განთავსებასთან ერთად, ტარდება წერტილოვანი შეწამვლა ცივი შესხურების მეთოდით. აღსანიშნავია, რომ ფუტკრის დაზიანების თავიდან აცილების მიზნით, სადგურები არაყვავილოვან მცენარეებზე მონტაჟდება.

 

ქედის მუნიციპალიტეტში წამლობით ღონისძიებას აჭარის სოფლის მეურნეობის მინისტრის მოადგილე ლევან დავითაძე და აჭარის სოფლის მეურნეობის სამინისტროს აზიურ ფაროსანას წინააღმდეგ გასატარებელი ღონისძიებების ხელშემწყობი სამუშაო ჯგუფის წევრები ესწრებოდნენ.

 

ფაროსანასთან ბრძოლის ღონისძიებებში ჩართული არიან ადგილობრივი თვითმმართველობების წარმომადგენლები. საკოორდინაციო მართვის ცენტრში, მოსახლეობის ინფორმირების მიზნით, ფუნქციონირებს სატელეფონო გზავნილების სისტემა. ღონისძიებების შესახებ დეტალური ინფორმაცია ხელმისაწვდომია ვებგვერდზე: www.parosana.ge

 

წამლობითი ღონისძიებები რეგიონში, ოქტომბრის ბოლომდე ინტენსიურად გაგრძელდება.