კლიმატის ცვლილებასთან ადაპტაციის პირველი ეროვნული გეგმის შემუშავების ოფიციალური წარდგენა გაიმართა

ღონისძიებას აჭარის სოფლის მეურნეობის მინისტრი დენის სალუქვაძე დაესწრო.

 

მინისტრმა დენის სალუქვაძემ თავის გამოსვლაში ყურადღება გაამახვილა კლიმატის ცვლილების გავლენაზე სოფლის მეურნეობისა და გარემოს დაცვის სფეროებში, ადაპტაციის ეფექტიანი ღონისძიებების მნიშვნელობასა და რეგიონულ დონეზე კოორდინირებული მოქმედებების აუცილებლობაზე. მან აღნიშნა, რომ კლიმატის ცვლილებით გამოწვეული გამოწვევების საპასუხოდ მნიშვნელოვანია როგორც სახელმწიფო უწყებების, ისე საერთაშორისო პარტნიორებისა და ადგილობრივი საზოგადოების აქტიური თანამშრომლობა. მინისტრის თქმით, ადაპტაციის ეროვნული გეგმა ხელს შეუწყობს მდგრადი განვითარების მიზნების მიღწევას, ბუნებრივი რესურსების დაცვასა და სოფლის მეურნეობის სექტორის მდგრადობის გაძლიერებას.