მინისტრი სსიპ ლაბორატორიული კვლევითი ცენტრის თანამშრომლებს შეხვდა

როგორც სოფლის მეურნეობის მინისტრმა დენის სალუქვაძემ აღნიშნა, საერთაშორისო სტანდარტის ლაბორატორიული დიაგნოსტიკა, სოფლის მეურნეობის განვითარების ერთ-ერთი მნიშვნელოვანი რგოლია.

 

„ლაბორატორიული კვლევითი ცენტრი მოწინავეა როგორც აჭარის რეგიონის, ასევე მთლიანად ქვეყნის მასშტაბით. აკრედიტირებულია საერთაშორისო სტანდარტის შესაბამისად და დღეისათვის საქართველოში ლაბორატორიული გამოკვლევების ყველაზე ფართო სპექტრითაა წარმოდგენილი. ჩვენთვის პრიორიტეტია, რეგიონულ დონეზე მოხდეს ლაბორატორიული სერვისების გაძლიერება, რაც ჯანსაღი პროდუქციის წარმოების აუცილებელი პირობაა“, განაცხადა სოფლის მეურნეობის მინისტრმა.

 

ლაბორატორია ფლობს ISO 17025-აკრედიტაციას და კვლევებს ახორციელებს საერთაშორისო სტანდარტების სრული დაცვით.