მინისტრი ქედის მუნიციპალიტეტში მეფუტკრე ფერმერებს ეწვია

მინისტრმა დარგში არსებული მდგომარეობის, გამოწვევებისა და განვითარების პერსპექტივების შესახებ ინფორმაცია მოისმინა.

„მეფუტკრეობა სოფლის მეურნეობის ერთ-ერთი მნიშვნელოვანი მიმართულებაა, რომელიც როგორც ადგილობრივი წარმოების, ისე გარემოს დაცვის თვალსაზრისით განსაკუთრებულ როლს ასრულებს. ჩვენი მიზანია, სახელმწიფო პროგრამებით კიდევ უფრო მეტად გავაძლიეროთ ფერმერების მხარდაჭერა, რათა მათ შეძლონ მეურნეობების განვითარება, ხარისხიანი პროდუქციის წარმოება და კონკურენტუნარიანობის გაზრდა.“ - განაცხადა მინისტრმა ფერმერებთან შეხვედრისას.

 

მეფუტკრე ფერმერები სამინისტროს ბენეფიციარებია. მათ საფუტკრე მეურნეობის განვითარების მიზნით არაერთხელ ისარგებლეს „საოჯახო მეურნეობების განვითარების ხელშეწყობის პროგრამით“, რამაც მეურნეობის გაფართოებასა და წარმოების ზრდას შეუწყო ხელი.

 

მინისტრთან ერთად მეურნეობაში იმყოფებოდნენ მინისტრის მოადგილეები და სამინისტროს ექსტენციონისტები.