მინისტრი ქობულეთის სატყეო სააგენტოს თანამშრომლებს შეხვდა

შეხვედრის ფარგლებში მინისტრმა ისაუბრა სამინისტროს გეგმებზე, ტყის დაცვის მნიშვნელობასა და ამ მიმართულებით გასატარებელ ღონისძიებებზე. განსაკუთრებული ყურადღება დაეთმო ტყის რესურსების დაცვასა და ეფექტიან მართვას. შეხვედრისას მინისტრმა მეტყევეებისგან მოისმინა ინფორმაცია სატყეო ადმინისტრაციებში მიმდინარე სამუშაოებისა და განხორციელებული საქმიანობის შესახებ.

მინისტრმა დაათვალიერა თიკერის სანერგე მეურნეობა, სადაც 12 ჰექტარ ფართობზე გაშენებულია წიწვოვანი მცენარეები.

შეხვედრას ასევე ესწრებოდნენ მინისტრის პირველი მოადგილე გიორგი ფანცხავა, აჭარის გარემოს დაცვისა და ბუნებრივი რესურსების სამმართველოს უფროსი ჯამბულ ნაკაშიძე და აჭარის სატყეო სააგენტოს ხელმძღვანელი პირები.