სამინისტროში სამუშაო ვიზიტით პოლონეთის დელეგაცია იმყოფებოდა

დელეგაციის შემადგენლობაში შედიოდნენ ქვემო სილეზიის რეგიონული ასამბლეის კანცელარიის წარმომადგენლები. დელეგაციას ქვემო სილეზიის რეგიონული ასამბლეის კანცელარიის დირექტორი ანა კოშოვსკა ხელმძღვანელობდა.

 

აჭარის სოფლის მეურნეობისა და გარემოს დაცვის მინისტრის მოადგილეებმა სტუმრებს მადლობა გადაუხადეს ქვემო სილეზიასა და აჭარას შორის მრავალწლიანი და წარმატებული თანამშრომლობისთვის. მათ ხაზი გაუსვეს საერთაშორისო პარტნიორობის მნიშვნელობას სოფლის მეურნეობის განვითარების, თანამედროვე გამოცდილების გაზიარებისა და ერთობლივი პროექტების განხორციელების მიმართულებით.

 

შეხვედრაზე მხარეებმა მიმოიხილეს სოფლის მეურნეობის სფეროში განხორციელებული და მიმდინარე პროექტები, დარგში დანერგილი თანამედროვე მიდგომები და ინოვაციები. ასევე ისაუბრეს ფერმერთა მხარდაჭერის პროგრამებზე, აგრარული სექტორის განვითარების პერსპექტივებსა და სამომავლო თანამშრომლობის შესაძლებლობებზე.